جايلك عريس .......تعالي علشان الصناره تغمز.
عارفه انا الحوسه بتاعه جاى لى عريس مش عارفه اعمل ايه والبس ايه واتكلم ازاى
انا بقه قريت كتاب اسمه "عشان السناره تغمز"
[ندعوك للتسجيل في المنتدى أو التعريف بنفسك لمعاينة هذه الصورة]للكاتبه "أمل محمود" بصراحه كتاب رائع !!
جمعتلكوا منه افكار تنفع لما تيجى تقابلى عريس
[ندعوك للتسجيل في المنتدى أو التعريف بنفسك لمعاينة هذه الصورة]عشان متحتاسيش تانى ياختى منك ليها ونخلص منكوا بقه
أول وأهم نقطه
لازم تعرفى انك كائن فريد من نوعه
ملكه متوجة فى السما
***********
حبى نفسك
لإنك لو حبيتيها هتخليها الأجمل والأصلح والأحسن والأشطر والأجدع وبالتالى كل الناس هتحبها
***********
[ندعوك للتسجيل في المنتدى أو التعريف بنفسك لمعاينة هذه الصورة]بصى فى المرايه
قومى بصى فى المرايه
لو اللى شيفاه عاجبك يبقى هيعجب الناس
خلى بالك الناس بتشوفك بعينك انتى
***********
الإنسان بيتعود على الشكل بسرعة
يعنى لو إنتى هيفاء وهبى
لكن بتقعدى قدامه بتتقلبى أبو الهول وبتبقى باردة
يبقى كام قعده "وابقى سلملى على جوزك يا اسماعيل بيه"
هو مش محتاج انتيكه محتاج إنسانة
يعنى لو كان شكلك عادى جدا
لكن شخصيتك دافية وجذابه
هيشوفك مارلين مونرو
***********
[ندعوك للتسجيل في المنتدى أو التعريف بنفسك لمعاينة هذه الصورة]أنوثتك مش نابعه من تضاريس جسمك
أنوثتك نابعه من ذكائك العاطفى ورقتك فى الرد
وحنيتك فى التعامل وتعاطفك الحقيقى وقت اللزوم
وكلامك الحلو اللى يلمس القلب
كل ده اللى بيكون سحرك الخاص وانوثتك الطاغيه
يعنى الانوثه شخصيه مش هز كتاف
***********
[ندعوك للتسجيل في المنتدى أو التعريف بنفسك لمعاينة هذه الصورة]لو فى أى عيب انت شيفاه فى وشك
ومش مخليكى بتعرفى تبصى فى عينه
يبقى يا تعملى عمليه تجميل
يا تتعلمى ازاى تخبى العيب ده بالمكياج
يا تتصالحى مع نفسك وتعرفى ان وشوش الناس كلها عيوب بما فيهم وشه
فلا تعايرنى ولا اعايرك الهم طايلنى وطايلك
***********
[ندعوك للتسجيل في المنتدى أو التعريف بنفسك لمعاينة هذه الصورة]لازم تهتمى جدا بريحتك
وتحطى مزيل عرق او شبة قبل ماتفكرى تقابلى حد
عشان مايطلعش يجرى منك
أوعى ترتبطى فى ذهنه بريحه وحشه وده مش فى مصلحتك تماما
مفيش داعى لو جه المره اللى بعدها تلاقيه حاطت مشبك فى مناخيره
***********
[ندعوك للتسجيل في المنتدى أو التعريف بنفسك لمعاينة هذه الصورة]لازم تهتمى بنضافتك عموما مفيش داعى لحواجب الخط خليفة الخط
وشنب مستر إكس ودقن الجدى
وايدين ورجلين نسخه طبق الاصل من ايديه ورجليه
فهمانى طبعا ومتعمليش عم العبيط
***********
[ندعوك للتسجيل في المنتدى أو التعريف بنفسك لمعاينة هذه الصورة]لغة العيون مهمه جدا وسكه دارى العيون داريها السحر باين فيها حقيقة
أجمد نظرة
هى والوش نازل شوية والعين بتبص فى عين اللى قدامها مباشرة
مع ابتسامه خفيفه
وإوعى تتكسفى وتبصى فى الأرض كل شوية
هتديله انطباع إنك مش واثقه من نفسك
***********
لازم تتعلمى الذوق لإن قله الذوق بتطفش
يعنى شكرا - لو سمحت - آسفه
وقت اللزوم
مش "هات يا مدهول" و"اتفلق" و"ورينى عرض قفاك"
والكبسات اللى قلبك يحبها
الا اذا كان هو كمان قليل الذوق هيبقى ساعتها ما جمع الا ما وفق
***********
التمثيل عدو اى علاقه ناجحه
هتمثلى دلوقتى طب وكمان سنتين؟؟
اتعاملى على طبيعتك واتكلمى بصراحه
ده انتى ..ان كان عاجبه
ولو مش عاجبه !! يضرب دماغه فى اجدعها حيط
هى دى الثقه بالنفس اللى هتخلييه يجرى وراكى
مش حابب شخصيتك الحقيقيه يبقى "طظ فيه" مالوش فى الطيب نصيب
***********
[ندعوك للتسجيل في المنتدى أو التعريف بنفسك لمعاينة هذه الصورة]متقعديش واكله سد الحنك
وعايشه عباره عن ودن بتسمع وبس ..
لازم تكونى حتى فى صمتك بتتكلمى
لغه عنيكى وعضلات وشك مهمه جدا
ولازم تكون مناسبه للى بتسمعيه
عشان ميعتقدش انك هبله!!
وبرضو متبقيش مملة وراديو واتفتح وهاتك يا رغى على دماغه
كده مرتين بالكتير وهيطفش..
***********
[ندعوك للتسجيل في المنتدى أو التعريف بنفسك لمعاينة هذه الصورة]اعرفى امتى تسمعى وامتى تتكلمى يعنى لما يحب يحكى اسمعى
ولما يخلص خدى انتى المبادره واتكلمى فى موضوع يشده
اكتر من المواضيع اللى بتشد الرجاله
السياسه -الكوره -الدين -ومجال شغلهم
ولازم تنوعى فى تون وطبقة صوتك
الكلام بنفس الوتيره شىء ممل وهتلاقيه نام منك
هو لسه مش عارفك ياريت تختارى الحاجات اللى تتحكى خاصه فى البدايه
بلاش مغامرات فى البسين والبنطلون اللى اتقطع فى حفله الجامعه وال 100 ولد اللى كانوا عايزين يصاحبوكى
خلى مواضيعك كلها تبين له انك انسانه مميزه مش ممزقه
***********
الله بقى لو كل مره يشوفك مختلفه عن المره اللى قبلها
يعنى اى تغيير فى طريقه لبسك ولفه الطرحه
كده هيفتكر إعلان كامية
[ندعوك للتسجيل في المنتدى أو التعريف بنفسك لمعاينة هذه الصورة]بتاع
"وها إنتى إمرأه جديده كل يوم"
ويحس انه كسب 10 ستات فى بعض
ولو فى اكتر البحر يحب الزياده وصباح النيو لوك
***********
[ندعوك للتسجيل في المنتدى أو التعريف بنفسك لمعاينة هذه الصورة]خليكى شيك ومتحفظه فى لبسك
انتى لسه مش عرفاه
لا يتحرش بيكى تبقى مصيبه هههههههههه
وكمان عشان متديش انطباع مش كويس
حقيقه مؤكده:احنا لسه فى مجتمع شرقى
وبلاش التلاته كيلو ماكياج
لإن الماكياج لتصليح عيوب الوش أو تجميله بهدوء
انتى مش رايحه تصورى فيديو كليب
***********
[ندعوك للتسجيل في المنتدى أو التعريف بنفسك لمعاينة هذه الصورة]بلاش تحسى ان أول مقابله صعبه قوى
وتبقى مرعوبه ومتوتره
لازم تعرفى تسيطرى على نفسك
وتاخدى الموضوع ببساطه
علشان متعكيش فى الكلام وتضحكى بعصبيه وتبانى هربانة من العباسية
لازم تحطى فى دماغك ان هو اللى محل اختبار مش انتى
وهو اللى يبوس ايده شعر ودقن "على رأى اللمبى"
لو عجبك ووافقتى عليه كده خيوط اللعبه هتبقى فى ايدك من اولها
والاحساس ده هيوصله وهو اللى هيتوتر
ويروّح يدعى ويقول "يارب اكون عجبتها"
***********
أول مقابله لازم تحافظى على توازنك
يعنى لا تهريج زياده وتعيشى فى دور الأراجوز
ولا أتامه وبحلقه فيه
كأنك بتتفرجى على حيوان خرافى بشنب
كونى نفسك ببساطه وحزر
معادله صعبه لكن مش مستحيله !!
***********
[ندعوك للتسجيل في المنتدى أو التعريف بنفسك لمعاينة هذه الصورة]لو لاقيتيه تنك ومديكى الوش الجبس
ومشغل فى الخلفيه اغنيه "يا واد ياتقيل"
يبقى تتنكى عليه اكتر
وتشغلى فى الخلفيه "هو انت تطول؟"
لإنك لو شغلتى "إنت عمرى" هيشغل لك " هش هش يا ديك"
***********
[ندعوك للتسجيل في المنتدى أو التعريف بنفسك لمعاينة هذه الصورة]لو فى أول مقابله سألتيه
مرتبك كام؟
عندك أملاك؟
عندك عربيه؟
يبقى اضمنى انك مش هتشوفى وشه تانى
بلاش سيل الاسئله اللى هتفطسى وتعرفى اجابتها مرة واحده
وحده وحده على الراجل
عشان ميحسش انه قاعد على كرسى الاعتراف
أو قدام وكيل نيابه
وفجأه بقدره قادر يترسم على وشك شنب يرعب شنبه
***********
أول مقابله متدلقيش معلومات عنك
اكتفى بالمانشتات العريضه
وخلى التفاصيل داخل العدد
شىء من الغموض بيشد اللى قدامك
ويخليه عايز يقابلك تانى وتالت و1000 عشان يعرفك اكتر واكتر
***********
[ندعوك للتسجيل في المنتدى أو التعريف بنفسك لمعاينة هذه الصورة]اوعى تشدى فنجان الشاى بتاعه وتحطيله السكر وسهوكه البنات دى
هيكش منك
وهيحس انك عايشه فى دور المدام وهو لسه محصلش حاجه
ويمكن يطلع بيشربه من غير سكر ماتحرجيش نفسك يا قطه
***********
[ندعوك للتسجيل في المنتدى أو التعريف بنفسك لمعاينة هذه الصورة]فى أول مقابله
لا تاكلى شيكولاته قبل ما تقابليه ولا وانتى معاه
لإن الشيكولاته بتساعد المخ على انه يفرز ماده الدوبامين
والعلماه اثبتوا ان الفارة لما تتحقن بالمادة دى فى وجود فار قدامها بتحبه
وبتطلعه بعد كده من وسط 100 فار
فلو عايزه السنارة تغمز أكليه هو الشيكولاته
***********
أوعى تطلبى نمره تليفونه ابدا
لازم هو اللى يحاول يديهالك
***********
إحذرى العيوب اللى مبتتغيرش
ولو حاسه انك مش مرتاحه له
أبوس ايدك امشى ورا احساسك
***********
لازم تهتمى بأدق التفاصيل
لإن دى هى اللى هتعرفك عيوبه ومميزاته
وكمان هتخليكى مميزه بالنسبه له
لإن الرجال مابيهتمش بالتفاصيل
فبيحس بأنوثه البنت من خلال اهتمامها بالتفاصيل
سواء فى نفسها أو فيه أو فى بيتها فيما بعد
ولو ده محصلش بيحس انها شنب زيه بالظبط
***********
العيوب اللى مابتتغيرش
البخل - الانانيه - العين الزايغه - الإدمان
- العصبية - العنف - النكد وحب المأساويات -
الدم التقيل - عدم النظافه - الأهمال
أقول لك ..مفيش حد بيتغير والأسهل لو صفاته مضيقاكى انك تغيريه بواحد تانى
لازم تاخدى الراجل اللى قدامك شروة على بعضها
ويا تحبيه بعيوبه وتحاولى تحسنى فيها مش اكتر
يااما متظلميهوش
وتسيبيه لوحدة تانية تستوعب العيوب دى
ويمكن تشوفها مميزات كمان
وبلاش نظام "عينى فيه واقول اخيه"
***********
وابقى ادعيلى لما السنارة تغمز .....
يلا بقى مستنيه الردود الحلوه
ولو عجبكوا الموضوع متنسوش التقييم
منقول
مواضيع لم
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
قوانين المنتدى
التسجيل
موضوع: جايلك عريس .......تعالي علشان الصناره تغمز. 
الإثنين مايو 14, 2012 11:40 pm
الموضوع الاصلي : 
