في خاطري حاجة

تاريخ التسجيل : 15/01/2011

في خاطري حاجه ,, بوصيك وأروح
ودي قبل ماروح ,, تسمع وصاتي
ابعد ,, ماعاد ابغيك ,, كافيني جروح
نويت اعلْمك ,, الجفا ,, كيف ياتي
البارحه طيفك ,, يداوي لي الروح
واليوم اشوفك ,, غلطتي في حياتي
يمكن عشانك ,, سبة الهم والنوح ,,؟
لوا خساره كنت اعدك ,, غناتي
تسكت ,, وعينك ,, صمتها يرسم البوح
والعلم فالمشتاق ,, ماله مباتي
إرحل ,, وبرحل ,, عندك الباب ,, مفتوح
و في روحتك ,, لا تحسب إني ,, بحاتي
إصمل ,, و وادعني ,, وانا اقول ,, مسموح
مسموح يلي كنت لي ,, ذكرياتي
لا تحسب إن قلبي ,, من البعد ,, بيفوح
الريح ,, ماهزت ,, جبال السراتي
ولا إنت غرك ,, قولتي فيك ,, مملوح
واصد عن غيرك ,, وفيك إلتفاتي
برحل وجرب ,, نار الاشواق ,, والنوح
نويت اعلْمك ,, الجفا ,, كيف ياتي ؟

الموضوع الاصلي : في خاطري حاجة المصدر : منتديات الرومانسي

المسافر البعيد ; توقيع العضو