طريقه ساحره لتوسيع العيون بالكــحله .
السلام عليكم ورحمه الله وبركاته ,
اعضاء ومشرفات منتدى غرام .
كيفكم حبايبي اش اخباركم .....


حبيت اخبركم بطريقه حلوه توسع العيون بالكحله ومتل مالو معروف عند نساء
الشرق الاوسط وبلأخص الفتاه الخليجيه .
تميزت باظهار جمال عيونها وهي محط ابراز الانوثه عندها ..
عشان كدا حبيت اديلكم تجربتي الخاصه في التميز بوضع الكحل بشكل
جذاب ,

ودحين حأبدأ معاكم خطوه بخطوه واعلمك طريقتي كيف بوضع الكحل
بشكل رائع يخلي عيونك حتى لو كانو صغار يبينها كبييييييره .,,
زازضح لكـ حبيبتي كيف تتوسع عيونك بجاذبيه حلوووه تخلى كل اللي
يشوفوكي يقولو انك سويتي كحلت عيونك عند صالونات تجمل ,
وادا ضبطيها بالطريقه اللي اقولها لك والله ماتحتاجي تروحي على صالونات
ابداااااا وهادا انا حلفت وانا صاااااادقه عن واقع تجربتي انا شخصيا


>>>>


اول خطوه بعد وضعك للميك اب بطريقه صحيحه ..
ابدأي بوضع الكحله والون الاسود احسن لون لجذب النظر إليك .
ابداي برفع جفن عينك العلوي ومرري الكحله بداخلها واكثري من الخلف
حتى يتضح لك الون جيدا .
بعدها خدي ظلال اسود بس بدرجه افتح من بدرجه وحده وابداي بوضعه على خفيف
بظهر جفنك العلوي لطبقه القريبه من الرمش .
بعد ما تتاكدي انو خلاص صار واضح ابداي بعد كدا بالجفن السفلي
حطي الكحله بشكل نصف دائري يعني على نصف العين مو كلها وتكون الطريقه
من الخلف الى الامام
اكثري من الخلف وقللي من الامام الى ان تصلي الى وسط العين
وتوقفي .
يعني يكون من الخلف مكثثثثثثف ومن الامام خفيف يبدأ بالتدريج الى ان يخف
وبدها ضعي القليل من نفس الظلال الللي وضعتيه اول على الجفن العلوي

او ادا تبغي اي لون تاني يبين جمال عيونك ويكون نفس لبسك مثلا ..
والالوان اللي اشوفها تدي نظره بصراحه الاخضر الغامق او الفاتح
او الذهبي الغامق او الزيتي ..
وكمان ماتنسي النيلي او الازرق الغامق او الموف او البنفسج الغامق .
هادي الالوان تعطيك بجد نظره حلوه .
وانتبهي تكون بشكل كبير ادا حطيتيها خلي الخط يكون خفيف بس لاظهار الون
فقط ..
وضعي بداخل العينين الون الابيض حتى يوسعها لك بشكل حلو ..
بس يكون وضعو بالاخير يعني في الجهه الجانبيه للعينين << اتمنى فهمتو ليا
بالاخير اتركي العينين بدون ظلال او ضعي ظلال خفيف جدا من الخف القريب من الحاجبين
واحلى الالوان الالوان الامعه يني اللي تدي لون لامع بشكل خفيف وجذاب
شوفي مجموعة حليمه دشتي ..
روووووووووعه للون العيون بجد حلوه ..
وكمان منتجات بن زقر حلوين ..
وكمان مجموعه لافس الايطاليه ومجموعه ظلال كوك فانفيس الفرنسيه << روووووووووووعه انصحكم فيها بصراحه
انا استخدمها هيا بكل حفلاتي الخاصه .. بجد تديلك نظاره وطله حلوه .
بس على حسب تعاملك معاها ..
اخيرا ضعي المسكارا اي لون تبغيه انتي بس اهم شي يكون لون اسود لو
تبغي نظره حلوه وطله احلى .. بجد الاسود خياااااال ..
كثفيها بشكل بارز على الخلف وشديها اكتر على فوق . ادا ما اتشدت معاك
حاولي انك جيبي الاله تبع تكسير الرموش اكيد عرفتوها شكلها زي المقص
بش مالها حاده هههههههه لا ..
وبعد اللي تخلصي لمستك الاخيره شوفي كيف حتكوني محط انظار الكل
بعيونك الحلوين ..



هادي نصيحتي لكم واتمنى تعجبكم ياحلوين
وياريت اللي تجربها تقول ادا عجبتها والا لا ..
مع اني متاكده انها حتعجبك وتتركي الصالونات وعلى مسؤليتي ..
لاني انا بنفسي استخدم هادي الطريقه ...

اتمنى تعجبكم بجد ..